Celebrities Gossip Showbiz

“Bëni një ekzaminim të ndërgjegjes, nëse ju ka mbetur akoma…”/ndjekësit të revoltuar me çiftin e njohur Chiara-Fedez!

Së fundmi, blogerja e njohur italiane Chiara Ferragni dhe bashkëshorti i saj, këngëtari Fedez janë vënë në qendër të vëmendjes. Dyshja e famshme rezervuan të gjithë Muzeun ‘Museo dei sogni’ vetëm për veten dhe fëmijët e tyre. Çifti së bashku me fëmijët kaluan një pasdite të tërë në muze, kurse vizitorët e tjerë prisnin pas dere derisa familja e famshme Ferragni të mbaronte shëtitjen.

Jashtë mbetën edhe ata që kishin paguar paraprakisht për biletën. Ngjarja u zbulua pas postimit që Chiara bëri në Instagram. “Kjo pasdite ishte argëtuese”, shkruante ajo. Kurse një komentues iu kthye: “Jo për të gjithë, shumë prindër me fëmijët e tyre mbetën jashtë muzeut”. Komentet e tjera më pas tregonin se si njerëz të ndryshëm kishin marrë leje në punë për të parë muzeun dhe nuk kishin arritur dot.

“Neglizhencë e turpshme nga ana e muzeut por edhe mungesë e madhe respekti ndaj familjeve. Fakti që je person publik, nuk të jep ty më shumë të drejta se të tjerët”, shkruan dikush. “Jeni prindër të privilegjuar, me fëmijë të privilegjuar dhe deri tani të bekuar jeni… por kur privilegji juaj dëmton të tjerët, bëni një ekzaminim të ndërgjegjes, nëse ju ka mbetur akoma”, shkruan një tjetër. Ndërkaq, as Chiara dhe as Fedez nuk u janë përgjigjur kritikave.

Chiara dhe Fedez janë një nga çiftet më të njohura e me të komentura në botën e showbiz-it. Ata shquhen për natyrën e thjeshtë e pa komplekse që kanë. Çifti i famshëm kanë ngritur perandorinë e tyre dhe po ja dalin të pasurohen çdo ditë e më shumë mes bizneseve që zotërojnë dhe kontratave që nënshkruajnë. Ferragni është një blogere, biznesmene, stiliste dhe modele italiane e cila ka bashkëpunuar me markat më në zë të modës dhe bukurisë përmes blogut të saj “The Blonde Salad”.