NBA, kampionati i basketbollit amerikan dhe më i ndjekuri në të gjithë botën, vazhdon të prodhojë shifra marramëndëse për super yjet e kampionatit. Sigurisht që në krye të fitimeve mbetet Lebron James, pa diskutim basketbollisti më i mirë i këtyre viteve të fundit. Së bashku me të qëndron “Mbreti i 3 pikëshave,“ Sephen Curry. Lebron James dhe Stephen Curry do të fitojnë 100 milionë dollarë këtë sezon – dhe kufiri gjithnjë në rritje i pagave të ligës do të thotë që më shumë superyje mund të ndjekin këtë rrugë.
Ndërsa hyn në sezonin e dytë të një marrëveshjeje katërvjeçare, prej 215 milionë dollarësh që nënshkroi në vitin 2021, 35-vjeçari Curry është planifikuar të arkëtojë 51.9 milionë dollarë në fushë në 2023-2024 dhe të bëhet lojtari i parë që thyen rekordin prej 50 milionë dollarë. Merrni parasysh të ardhurat e tij jashtë fushës – duke përfshirë reklamat, licencimin, paraqitjet dhe markave personale – dhe kampioni katër herë i NBA-së do të fitojë rreth 101.9 milionë dollarë (para taksave dhe tarifave të agjentëve), pas vetëm legjendës së Los Angeles Lakers, LeBron James.
Falë 70 milionë dollarëve fitime jashtë fushës, Mbreti James mban kurorën e tij me më së shumti fitime për sezonin e dhjetë radhazi, me rreth 117.6 milionë dollarë. Ai dhe Curry janë dy lojtarët e vetëm aktivë të NBA-së, mes vetëm 15 sportistëve në të gjitha sportet, që arrijnë nëntë shifra në një vit të vetëm. Së bashku, 10 lojtarët më të paguar të NBA-së do të fitojnë rreth 746 milionë dollarë, që është pothuajse e barabartë nga rekordi i vitit të kaluar prej 751 milionë dollarësh.
Në vitet në vijim, ndërsa NBA nënshkruan marrëveshje të reja për mediat kombëtare duke filluar nga sezoni 2025-26, të cilat mund të dyfishojnë mesataren prej 2.66 miliardë dollarësh që liga merr aktualisht nga ABC, ESPN dhe Turner Broadcasting.Lillard pritet të bëhet basketbollisti i parë që fiton 60 milionë dollarë në fushë në 2026-2027, por nuk do të kalojë shumë përpara se një kontratë tjetër ta thyejë atë shifër.
