Së fundmi, fushata e re nga kompania e njohur e modës “Gucci” është kritikuar ashpër, pasi gjatë saj është përdorur si imazh tigri. Dizajneri italian zbuloi koleksionin, të quajtur “GucciTiger”, në rrjetin social Instagram, në fillim të këtij muaji. Koleksioni përfshin një përzgjedhje të artikujve dhe aksesorëve të gatshëm për t’u veshur si nga burrat, edhe nga gratë, të cilat të gjitha kanë si simbol tigrin.
Fushata shfaq modele të rrethuara nga tigrat, teksa shijojnë çajin e pasdites. Në titrat e imazheve, Gucci theksoi mbështetjen për “The Lion’s Share Fund”, nismë që synon të mbrojë speciet e rrezikuara, duke shtuar se natyra dhe jeta e egër janë veçanërisht të rëndësishme për markën. Një deklaratë ka ardhur nga kompania, e cila thekson se tigrat janë fotografuar në një mjedis të sigurt.
Natyra, jeta e egër janë veçanërisht të rëndësishme për Gucci, e cila në shkurt 2020 iu bashkua Fondit të ‘Lion’s Share’, një nismë unike që mbledh fondet shumë të nevojshme për të mbrojtur të rrezikuarit.
Fushata është kritikuar nga përdoruesit e rrjeteve sociale, shumë prej të cilëve kanë shkruar në komente:
Kafshët nuk janë aksesor. Nuk është normale të kesh kafshë të egra në reklama.
Por edhe shumë të tjerë patën kritika të ngjashme. Një organizatë e palëve të treta për mirëqenien e kafshëve, ‘American Humane’, monitoroi grupin në të cilin ishin të pranishme kafshët dhe verifikoi që asnjë kafshë nuk ishte dëmtuar.
Tigrat u fotografuan dhe u filmuan në një mjedis të veçantë të sigurt në përputhje me politikat e Gucci-t dhe më pas u shfaqën brenda fushatës.
Rikujtojmë se “Elle” është bërë revista e parë e modës që premton t’i japë fund promovimit të gëzofit të kafshëve në përmbajtjen e tij editoriale dhe reklamuese. Grupi i të drejtave të kafshëve “Humane Society” dhe ai i reformës së industrisë “Creatives4Change” kanë bërë një peticion, i cili është firmosur nga 45 revista të njohura në mbarë botën. Palltot e gëzofit shpesh krijohen me poliester, të cilës i duhen qindra vjet për t’u biodegraduar.
