Miliona besimtarë në mbarë botën nisin sot agjërimin në kuadër të Muajit të Shenjtë të Ramazanit. Ndërkaq ka edhe shumë të tjerë, të cilët nuk e mbajnë dot pasi vuajnë nga sëmundje të caktuara. Ndërkaq katëgoritë më të rrezikuar nëse agjërojnë janë personat që kanë pasur një atak në zemër, ata që vuajnë nga sëmundjet e zemrës, përdoruesit e drogës, ata që përdorin shumë medikamente, pacientët me hipertension të pakontrolluar si dhe personat që përdorin hollues gjaku për shkak të protezave të valvulave të zemrës.
![](https://a2news.com/wp-content/uploads/2023/03/zemra-1-1089x720.jpg)
Për këta persona nuk rekomandohet agjërimi pa u konsultuar me mjekun. Nëse jeni duke agjëruar, duhet t’i kushtoni vëmendje dy çështjeve kryesore. Duhet të shmangni vaktet e papritura dhe sasitë e mëdha të ushqimit gjatë iftarit. Menuja më e përshtatshme për ju do të jenë gatimet e lehta dhe mesdhetare. Pas një urie të gjatë, duhet të qëndroni larg ushqimeve të yndyrshme dhe të shmangni ushqimin e shpejtë.
Është metoda më e përshtatshme që personat me sëmundje të zemrës të hanë pak nga pak dhe shpesh duke i ndarë mes iftarit dhe sahurit. Ndërkaq, nëse agjërimi juaj miratohet nga mjeku, konsumi ditor i ujit duhet të jetë së paku 2 litra, përveç nëse ka ndonjë kusht shtesë. Kjo sasi duhet të merret duke e ndarë mes iftarit dhe sahurit. Në veçanti, pacientët me hipertension dhe sëmundje të njohura kardiovaskulare nën terapi me ilaçe duhet të jenë tepër të ndjeshëm në këtë drejtim.
![](https://health.clevelandclinic.org/wp-content/uploads/sites/3/2017/07/intermittentFasting-1195242497-770x533-1.jpg)
Nëse keni vendosur aparat në zemër, vitin e fundit, mund të merrni hollues gjaku për të shmangur problemet me venat. Në këtë rast nuk do të ishte i drejtë agjërimi. Megjithatë, nëse periudha ka kaluar 1 vit, mund të agjëroni duke u konsultuar me mjekun tuaj. Në këtë rast, duhet patjetër të merrni miratimin nga mjeku juaj. Asnjëherë nuk rekomandohet agjërimi pa miratim.