Aktori i njohur Alec Baldwin dhe partnerja e tij, Hilaria njoftuan muajin e kaluar se do të bëhen prindër për herë të 7 së bashku. Alec, më në fund, sqaroi të gjithë ata që vazhdojnë ta pyesin pse ai dhe bashkëshortja Hilaria vazhdojnë të bëjnë fëmijë. Aktori postoi një video në Instagram të vajzës së tij María Lucía duke treguar dy dhëmbët e saj të përparmë dhe duke shkruar se:
Njerëzit pyesin pse. Kjo është arsyeja pse. Të jesh prind është udhëtimi më i bukur.
Dyshja tashmë janë prindër të vajzave Carmen, María Lucía, si dhe djemve Rafael, Leonardo, Romeo dhe Eduardo. Alec është gjithashtu baba i vajzës 26-vjeçare Ireland Baldwin, të cilën e ndan me ish-bashkëshorten Kim Basinger. Para disa ditësh, Alec mbushi 64 vjeç. Të shumtë ishin artistët të cilët e uruan por ajo që dalloi më shumë ishte bashkëshortja e tij. Ajo shkroi një mesazh të gjatë dhe të përzemërt për bashkëshortin e saj prej gati një dekade, duke ndarë një foto të tyre.
Baldwin është një nga aktorët më të mirë në Hollywood. Ai e filloi si një personazh kryesor dramatik përpara se të ndërronte ingranazhet në role më komike. Ai mund të jetë kërcënues në një rol dhe gazmor në një tjetër. Megjithëse ai është më i popullarizuari këto ditë për rolet e tij televizive në “30 Rock” dhe “Saturday Night Live”. Aktori ka një karrierë të mrekullueshme filmike në emrin e tij. Nga rolet e tij të mëparshme e deri te rolet më të fundit, në këtë link gjeni filmat më të mirë të Alec Baldwin, sipas IMDB.
