Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Botë e Çuditshme Food & Drink Health & Beauty

Qumësht nga patatja?!/Ju prezantojmë me lëngun “magjik” për personat intolerantë ndaj laktozës!

Kompania suedeze e bulmetit, Dug ka arritur të zbulojë një qumësht me bazë bimore që vjen nga patatet. Ai është ideal për personat që janë intolerantë ndaj laktozës, pasi nuk përmban as laktozë dhe as gluten. Qumështi i kësaj kompanie preferohet gjithashtu edhe nga dietikët pasi ka më pak sheqer dhe më pak yndyrna sesa qumështi që vjen nga lopa dhe është i pasur me vitamina, proteina dhe fibra.

Por ama ky produkt nuk ka vetëm anët pozitive, pasi për shkak të vështirësisë dhe kostos së prodhimit, qumështi ka dyfishin e çmimit të zakonshëm. Produkti prej 6 litrash kushton 12.50 £ në internet. Sipas një kompanie suedeze, 6% e zëvendësuesit të qumështit është bërë nga patatet, por përbërës të tjerë në produkt përfshijnë vaj kanola, fibra çikore, fruktoza dhe proteina bizele.

Produktet e fundit po shfaqen pasi gjithnjë e më shumë konsumatorë largohen nga qumështi tradicional në kërkim të alternativave me bazë bimore mes shqetësimeve se bujqësia mund të ketë një ndikim negativ në mjedis. Në vitin 2020, studiuesit në Universitetin e Oksfordit zbuluan se prerja e mishit dhe produkteve të qumështit mund të zvogëlojë emetimet e dioksidit të karbonit të një individi deri në 73%.

Studimi, i botuar në revistën “Science”, shqyrtoi të dhënat nga afërsisht 40,000 ferma në 119 vende dhe zbuloi se prodhimi i mishit dhe qumështit përbënte 60% të emetimeve të gazrave serë në bujqësi.

Autori kryesor, Joseph Poor tha:

Dietat vegane janë mënyra e vetme dhe më e madhe për të zvogëluar ndikimin në planet, jo vetëm gazrat serë, por edhe acidifikimin global, eutrofikimin, përdorimin e tokës dhe përdorimin e ujit.