Kryetarja e Dhomës së Përfaqësuesve Nancy Pelosi ka mbërritur në Tajvan këtë të martë.
Pavarësisht se Kina paralajmëroi se ushtria e saj nuk do të “rrinte duarkryq” nëse ajo vizitonte ishullin e vetëqeverisur që Pekini e konsideron territor të tijin, avioni me Pelosin ka zbritur tashmë në Tajvan. BBC ka publikuar foton nga aeroporti, ku politikania shihet teksa zbret shkallët dhe pritet nga një delegacion i vogël.
Rusia ka paralajmëruar Shtetet e Bashkuara që kryetarja e Dhomës së Përfaqësuesve, Nancy Pelosi, të mos e vizitojë Tajvanin, duke mbështetur kështu qëndrimin e Kinës.
Kjo deklaratë e Kremlinit vjen një ditë pasi Shtëpia e Bardhë mbështeti vizitën e Pelosit në Tajvan.
Sipas Rusisë, një vizitë e tillë do të rrisë tensionet mes Kinës dhe SHBA-së në një nivel të rrezikshëm.
Pelosi u largua të martën nga Malajzia dhe u nis drejt Tajvanit, duke përshkallëzuar tensionet me Pekinin, i cili pretendon se ky ishull është pjesë e territorit të tij.
Zëdhënësi i Kremlinit, Dmitry Peskov, paralajmëroi se një vizitë e tillë do të jetë “jashtëzakonisht provokuese”, duke shtuar se do të “përkeqësojë situatën në rajon dhe do të nxisë tensione”.
Komentet e Peskovit tregojnë raportet e ngushta që kanë Moska dhe Pekinin. Kujtojmë se Kina ka refuzuar dhe që ta kritikojë Moskën për pushtimin e Ukrainës, dhe ka fajësuar SHBA-në dhe NATO-n për provokimin e Moskës.
