Themeluesi, shpikësi dhe mendimtari amerikan, Benjamin Franklin, njëherë vuri në dukje se “në këtë botë asgjë nuk mund të thuhet se është e sigurt, përveç vdekjes dhe taksave”. Por nëse jeni një burrë i një moshe të caktuar, le të themi mbi 30 vjeç dhe jo të shekullit të 18-të, mund të shtoni në listë marrjen e një palë çorape si dhuratë. Dhe pavarësisht se sa i mbushur është sirtari juaj i çorapeve, kjo nuk është gjë e keqe.
Nga këndvështrimi i dhuruesit, çorapet janë një dhuratë plot kuptim. Meshkujt janë jashtëzakonisht të vështirë kur bëhet fjalë për dhurata. Kompletet Lego përgjithësisht dalin nga moda rreth moshës 10-vjeçare. Tashmë DVD-të janë cilësuar si të vjetra, kështu që nëse burri në fjalë nuk ka preferenca të veçanta, oferta të tilla nuk janë më një opsion. Veshja është gjithmonë një zgjedhje e mirë, por miqtë dhe familja nuk e dinë gjithmonë se çfarë i përshtatet më së miri, e lëre më madhësinë e këpucës. Por ama, një palë çorape është mjeti më i besueshëm, pasi në fund të fundit është një dhuratë që i përshtatet shumicës së këmbëve.
Ka edhe një ndjenjë loje dhe lirie për ta. Çorapet janë parë prej kohësh si i vetmi vend ku një mashkull është i lirë të eksperimentojë. Edhe nëse pjesa tjetër e garderobës së tij është e mbushur me ngjyrë gri, ngjyrë blu ose ekskluzivisht monokromatike, gjithmonë do të fshihet një çorape ngjyrë rozë. Sot, shfaqja e jetës sonë të brendshme në një përzierje të printeve dhe modeleve të ndryshme është një gjë krejtësisht e pranueshme për t’u bërë. Kjo botë e re e guximshme mund të jetë frikësuese për disa. A mund të ketë ndonjëherë një mashkull shumë çorape ku secila palë është një mjet për të shprehur gjendjen e tij emocionale?
Ka pak kënaqësi në jetë që mund të konkurrojnë me një palë çorape komode.
Nëse jeni një tradicionalist me një anë lozonjare, Paul Smith ka diçka për të gjithë, duke përfshirë çorapet me vija. ‘Thunders Love’, ‘Anonymous Ism’ dhe ‘Falke’ janë specialistë të tjerë për t’u drejtuar. Çdo markë ka stilin e vet, por vendos një të vërtetë universale në radhë të parë: komoditeti është çelësi. Sepse ka pak kënaqësi në jetë që mund të konkurrojnë me një palë çorape komode, sidomos në dimër.
Ne shpesh mendojmë për këpucët si bazat mbi të cilat ndërtohet një veshje, kështu që konsideroni çorapet si armaturë. Disa trende që janë përhapur së fundmi i kanë bërë çorapet më të dukshme dhe në këtë mënyrë më integrale në pamjen tuaj. Në vend të një opsioni dytësor, ato janë bërë një fokus. Pra, nëse ju jepen një palë çorape këtë Krishtlindje është edhe më e lehtë të tregoni vlerësimin tuaj, gjithçka që duhet të bëni është t’i vishni ato. E vetmja dhuratë që ju nevojitet vërtet në këtë periudhë të vitit është dashuria. Dhe nëse jeni të dashuruar, epo mirë, çorapet janë një bonus.
