Bota Food & Drink

Telashe për Salt Bae, restoranti i tij ndër më të këqijtë në Londër!

Sensacioni i mediave sociale Nusret Gökçe apo siç njihet nga të gjithë si Salt Bae, duket se ka hasur në disa probleme. Thënë kjo, restoranti i tij në Londër është kritikuar nga klientët që e kanë vlerësuar atë si një nga vendet më të këqija për të ngrënë në kryeqytetin britanik, sipas Tripadvisor.

Sipas mediave të huaja, “Steakhouse Nusr-Et”, që hapi dyert e tij në Knightbridge nëntë muaj më parë, është goditur nga një numër kritikash të këqija në internet në Tripadvisor. Madje aty, siç bëhet e ditur më tej, ai renditet në vendin e 17,418 nga 17,488 restorante në Londër.

Kjo pasi restoranti ka një vlerësim mesatar prej dy yjesh nga 126 shikime në Tripadvisor. Në total, ai thuhet se ka marrë 73 vlerësime “të tmerrshme” të klientëve deri më sot së bashku me 9 vlerësime “të dobët”, 5 “mesatare”, 3 “shumë mirë” dhe 28 “të shkëlqyera” në faqe.

Pavarësisht disa komenteve jo të mira, kishte edhe pozitive me një të tillë që ishte bërë më 26 prill 2022, i cili e përshkroi restorantin si “mbresëlënës” dhe “absolutisht të mahnitshëm”. Madje komentet jo të mira nuk e ndaluan atë të bëhej një sensacion në internet me darkuesit që postonin vazhdimisht pamje nga brenda restorantit teksa shijonin vakte jashtëzakonisht të shtrenjta, duke përfshirë biftekun e tij të markës Golden Giant Tomahawk, i cili shitej për 1,450 £ apo 1700 euro. David Beckham, Jason Statham dhe Naomi Campbell kanë qenë ndër personazhet e famshme që kanë ngrënë në restorantet e tij në të gjithë botën.

Rikujtojmë se, kohët e fundit, një përdorues i TikTok rikrijoi biftekun që kushton 1,450 £ në restorantin e Salt Bae me një çmim shumë më të lirë. Tani, një restorant i ushqimeve të shpejta po bën të njëjtën gjë për t’i dhënë pak konkurrencë dyqanit të Salt Bae. Ky restorant ka hedhur në treg një hamburger të mbuluar me ar.

Restoranti me emrin “Dope Burger” filloi të shesë ushqimin luksoz, i cili sigurisht vjen me ar në simite, për çmimin 100 £. Ky restorant i cili ka degë në Hull dhe Leeds, me një tjetër në Doncaster që do të hapet së shpejti, ndau një video në mediat sociale. Në video, një kuzhinier i veshur me syze dielli pret hamburgerin me një thikë gjigante, përpara se t’ia tregojë produktin kamerës në të njëjtën mënyrë si Salt Bae. Ai madje spërkat pak erëza poshtë krahut dhe mbi mish, njësoj si Nusret.