Volkswagen duket se po përballet me një krizë të thellë financiare që rrezikon “të vë në pauzë” zhvillimin e modeleve të reja në mbarë globin. Rënia e shitjeve, rritja e kostove dhe efektet e tarifave amerikane kanë shkaktuar mungesë të theksuar likuiditeti. Bordi mbikëqyrës i VW ka shtyrë miratimin e një pakete investimesh prej miliarda eurosh, jetike për modernizimin e fabrikave dhe projektet e reja.
Sipas mediave të huaja, vendimi mund të vonohet me muaj, duke krijuar pasiguri për dhjetëra uzina dhe furnitorë të grupit. Raportohet se kompanisë i mungojnë rreth 11 miliardë euro për planet e vitit 2026, ndërsa programi pesëvjeçar prej 160 miliardë eurosh po del i pamjaftueshëm. Ka mundësi që bordi të thërrasë një mbledhje të jashtëzakonshme në dhjetor, por burimet paralajmërojnë se vendimi mund të shtyhet edhe vitin tjetër.
Deri atëherë, një nga prodhuesit më të mëdhenj të makinave në botë mbetet në pritje të sinjalit të gjelbër. Volkswagen ka vendosur të mos zhvillojë për momentin versione plotësisht elektrike apo hibride të modelit global Amarok, duke qëndruar te motorët tradicionalë me naftë dhe benzinë. Ndryshe nga versioni për Amerikën e Jugut, Amarok global ndërtohet mbi të njëjtën platformë si Ford Ranger. Megjithëse Ford tashmë ofron një variant plug-in hibrid me motor 2.3 litra turbo dhe bateri 11.8 kWh, Volkswagen ka zgjedhur të mos ndjekë të njëjtin drejtim.
Sipas CarExpert, drejtori i markës Nathan Johnson tha se CEO Stefan Mecha ka konfirmuar se projektet për Amarok PHEV dhe BEV “nuk janë më në diskutim për këtë gjeneratë”. Volkswagen po ndërmerr një hap të madh në garën për zhvillimin e teknologjisë së “drejtimit autonom”, duke krijuar çipat e vetë inteligjencës artificiale në Kinë. Shefi ekzekutiv Oliver Blume tha se prodhimi i çipit “System-on-Chip” në Kinë i jep kompanisë kontroll mbi një teknologji që do të përcaktojë të ardhmen e “drejtimit inteligjent”.
