Microsoft po punon për një funksion të ri për Windows 11 që do të ndihmojë në shpjegimin se si mungesa e RAM-it ose një GPU më i dobët mund të ndikojë në performancën e kompjuterit tuaj. Windows 11 bëhet me opsionin Quick Recovery, e cila rregullon kompjuterët që nuk ristartohen. Në vitin 2024, Microsoft njoftoi Quick Machine Recovery, një veçori e re që duhet t’u sigurojë përdoruesve një mënyrë më të shpejtë dhe më të lehtë për të rregulluar një kompjuter që nuk mund të ristaroj.
Windows 11 së shpejti mund ta tejkalojë Windows 10 për sa i përket pjesëmarrjes në treg. Sipas statistikave të kompanisë analitike Statcounter, Windows 11 ka arritur një pjesëmarrje në treg prej 42.66 për qind gjatë marsit 2025. Kjo përfaqëson një rritje prej 4.53 për qind krahasuar me muajin e kaluar dhe nëse kjo tendencë vazhdon me të njëjtin ritëm, Windows 11 së shpejti do ta tejkalojë Windows 10 në pjesëmarrjen e tregut. Natyrisht, Microsoft po shfrytëzon çdo mundësi për t’i shtyrë përdoruesit që të kalojnë në Windows 11, veçanërisht duke pasur parasysh faktin që mbështetja për sistemin operativ më të vjetër do të përfundojë së shpejti.
Windows 10 mbetet ende sistemi operativ më i popullarizuar i Microsoft-it, me një pjesëmarrje në treg prej 54.23 për qind, por ka shënuar një rënie prej 4.43 për qind gjatë muajit të kaluar. Një situatë e ngjashme pritet të vazhdojë gjatë gjithë vitit 2025. Sa i përket versioneve të tjera të sistemit operativ, Windows 7 ka një pjesëmarrje në treg prej 2.22 për qind, ndërsa Windows 8.1 është shumë afër zhdukjes me vetëm 0.28%. Windows 8.1 tani është edhe pas Windows XP, i cili, çuditërisht, ende mban 0.33% të tregut.
