“Avatar 2” duket se më në fund është afër realitetit. Regjisori James Cameron rikthehet për të drejtuar vazhdimin e shumëpritur të hitit të vitit 2009, të titulluar zyrtarisht “Avatar: The Way of Water”. ‘Disney’ ka zbuluar pamjet e reja të filmit në CinemaCon në Caesars Palace në Las Vegas. “Avatar: The Way of Water” do të ndjekë familjen Sully teksa ata luftojnë për të qëndruar gjallë.
‘Trailer’- i i parë i filmit do të debutojë në kinema përpara “Doctor Strange in the Multiverse of Madness” të Marvel, më 6 maj. Në vazhdim do të luajnë Sam Worthington, Zoe Saldana, Giovanni Ribisi, Sigourney Weaver, Stephen Lang, Kate Winslet, Vin Diesel, Michelle Yeoh, Edie Falco, Cliff Curtis dhe Jemaine Clement.
https://twitter.com/officialavatar/status/1519677927100624897?ref_src=twsrc%5Etfw%7Ctwcamp%5Etweetembed%7Ctwterm%5E1519677927100624897%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Fzbulohet-titulli-avatar-2-way-water-te-kete-premieren-ne-fund-te-vitit-2022%2F
“Avatar: The Way of Water”, i pari nga katër vazhdimet e planifikuara, raportohet se do të dalë më 16 dhjetor. Tre vazhdimet e tjera vijnë në kinema çdo dy vjet, në 2024, 2026 dhe 2028. Kujtojmë që në vitin 2009, “Avatar” bëri histori duke u bërë filmi i parë që kapërceu shifrën prej 2.8 miliardë dollarësh në arkat ndërkombëtare.
