Aktori, Austin Butler, ka blerë shtëpinë e Brad Pitt në Los Feliz, Los Angeles, për 5.2 milionë dollarë (afërsisht 4.89 milionë euro), vetëm tre muaj pasi prona ishte grabitur. TMZ raportoi se marrëveshja u finalizua javën e kaluar. Grabitja ndodhi në qershor, kur Brad Pitt ndodhej në Tokio. Tre persona u futën në shtëpi përmes dritareve dhe qëndruan aty për rreth 10 minuta, duke marrë sende me vlerë ende të panjohur.
Tre të dyshuar u arrestuan më vonë në gusht. Pas incidentit, Brad përforcoi masat e sigurisë dhe më vonë vendosi ta shiste shtëpinë. Prona, e njohur si “Shtëpia e Çelikut”, është 2,000 metra katrorë, me tre dhoma gjumi, dy banjo, pishinë, sauna dhe dritare panoramike. Pitt tashmë është zhvendosur në një rezidencë më të madhe dhe më të sigurt në Hollywood Hills, me vlerë 12 milionë dollarë (afërsisht 11.28 milionë euro), e pajisur me gjashtë dhoma gjumi, tetë banjo, teatër, pishinë dhe sistem sigurie të avancuar.
Rikujtojmë se aktori Austin Butler ka hapur zemrën për sfidat që ka kaluar me shëndetin e tij gjatë periudhës kur po punonte për rolin e Elvis Presley-t në filmin Elvis. Ai ka përshkruar se si stresi dhe angazhimi i jashtëzakonshëm për të realizuar këtë rol ka ndikuar negativisht në shëndetin e tij, duke e bërë të ndihet si të ishte në një gjendje shumë të keqe fizike dhe mendore.
Butler ka thënë se gjatë disa periudhave të punës së tij, ka pasur simptoma të rënda shëndetësore, dhe ndjehej kaq keq sa mendonte se do të vdiste. Kjo ka qenë një periudhë shumë sfiduese për të, ku ai u përball me një shtesë të jashtëzakonshme të presionit dhe angazhimit që kërkonte roli i Elvis-it. Për më tepër, ai është shprehur se ka pasur shumë vështirësi për t’u rikuperuar pas përfundimit të filmit dhe ka kërkuar ndihmë për të rifituar shëndetin e tij fizik dhe mendor.
