‘Lëvizja Bashkë’ e Arlind Qorit, e çel zyrtarisht fushatën elektorale nesër në Fier, ora 10:30 në teatrin Bylis.
Në një postim në rrjete sociale Qori, ka ftuar qytetarët t’i bashkohen ‘Lëvizjes Bashkë’ në hapjen e fushatës në Fier, duke theksuar se janë të mirëpritur ata që duan t’i bashkohen transformimit!
NISIM FUSHATËN KOMBËTARE NGA FIERI
Lëvizja BASHKË do ta nisë rrugëtimin e vet elektoral nga Fieri, një nga qarqet më të rëndësishme ekonomike, sociale dhe politike të vendit.
Fushata jonë nuk do të jetë thjesht aktivitet elektoral, por një përpjekje e madhe e përbashkët për të arritur ndërgjegjen e çdo qytetari që ka nevojë që vendi ynë të transformohet.
Do të trokasim në çdo derë.
Do të përshkojmë çdo rrugë.
Do të ndajmë fjalë zemre e ide të reja me çdo qytetar.
Do të hapim çdo shteg.
Gjithçka për të sjellë të renë që kërkon një popull i tërë.
Lëvizja BASHKË fton të gjithë qytetarët e Fierit, Lushnjës, Mallakastrës, Patosit, Roskovecit, Divjakës dhe krejt qarkut që të na bashkohen të dielën (13 prill) në orën 10:30 te teatri Bylis i qytetit të Fierit.
E REJA PO LIND!
