Apple ka nisur testimin e versionit të ri të sistemit operativ iOS 26, duke publikuar tashmë për zhvilluesit versionin e katërt beta. Së shpejti, ky përditësim do të jetë i disponueshëm edhe për përdoruesit përmes programit publik të testimit beta.
Sipas TechCrunch, iOS 26 sjell disa risi interesante, përfshirë një dizajn të rifreskuar, ekran mirëseardhjeje dhe opsione të reja për Siri dhe kamerën.
Një tjetër risi është dizajni “Liquid Glass”, i cili shton efekte transparence në disa aplikacione dhe një sfond dinamik që ndryshon ngjyrat në varësi të ndërveprimeve.
Për më tepër, sistemi përfshin njoftime të përmbledhura për lajme, të ndihmuara nga inteligjenca artificiale, për t’i ofruar përdoruesve përmbajtje më të përshtatur dhe të përmbledhur.
Krahas iOS 26, Apple ka lëshuar edhe versionet beta të iPadOS, macOS, watchOS, tvOS, visionOS dhe Xcode, si pjesë e përgatitjeve për përditësimet e vjeshtës.
