Presidenti Donald Trump i kërkoi Apple që të largonte prodhimin nga Kina, një kërkesë të cilën kompania e përmbushi duke u zhvendosur në Indi. Por, ai përsëri nuk është i kënaqur po kërkon që iPhone të prodhohen në SHBA. Dhe kjo betejë po kërcënon edhe telefonat Samsung. Trump deklaroi kohët e fundit se do të vendoste tarifa prej 25% për çdo model iPhone të importuar në SHBA pasi të ishte prodhuar diku tjetër. Megjithatë, do të ishte shumë e vështirë të synosh vetëm një kompani të vetme me tarifa.
Nëse presidenti dëshiron të vendosë një tarifë prej 25% për iPhone, atëherë ai do të duhet ta zbatojë këtë tarifë për të gjithë smartfonët që importohen në vend. Kjo do të thotë se telefonat Galaxy të Samsung të cilët prodhohen në Vietnam dhe Indi, mes vendeve të tjera do të përballen gjithashtu me tarifën prej 25%. Mediat koreane raportojnë se telefonat Samsung mund të kenë një rritje të çmimit prej 40% në SHBA për shkak të këtyre tarifave. Megjithatë, Samsung, sipas raportit, ka shumë pak gjasa që thjesht të absorbojë koston e tarifave.
Kompania do t’ua kalojë barrën konsumatorëve, kryesisht sepse e di se pothuajse të gjithë do të jenë të vetëdijshëm për shkakun e rritjes së çmimeve. Ndoshta nuk është çudi që prokurori i përgjithshëm i Kalifornisë, Rob Bonta, do të përpiqej të mbronte kompaninë më të madhe dhe ndoshta më të famshme me seli në shtet. Po flasim për Apple. Gjatë javës së kaluar, presidenti amerikan Donald Trump kërcënoi se do të vendoste një tarifë 25% për njësitë e iPhone që nuk janë prodhuar në SHBA. Bonta shpjegoi pse ndjeu nevojën për të kërcënuar se do ta çonte administratën Trump në gjykatë.
