Pas muajsh tensionesh dhe spekulimesh, Blake Lively dhe Justin Baldoni kanë arritur më në fund një marrëveshje për t’i dhënë fund përplasjes së tyre ligjore, por jo në mënyrën që pritej.
Sipas raportimeve, çështja është mbyllur pa shkëmbim parash dhe pa asnjë pranim faji nga asnjëra palë. Madje, nuk ka pasur as kërkim faljeje, duke e bërë këtë një përfundim të pazakontë për një konflikt kaq të komentuar.
Mosmarrëveshja kishte nisur gjatë bashkëpunimit të tyre në filmin “It Ends With Us” dhe kishte vijuar për muaj të tërë prapa skenave, përpara se të bëhej publike.
Në një moment, situata dukej se do të përfundonte në gjykatë, sidomos pasi Lively vendosi të ndryshonte ekipin ligjor, një lëvizje që sinjalizoi përshkallëzim të konfliktit. Por në fund, palët zgjodhën rrugën e pajtimit.
Burimet bëjnë të ditur se disa nga pretendimet më të forta ishin rrëzuar gjatë procesit, çka ndikoi në zbutjen e situatës dhe hapjen e rrugës për marrëveshje.
Edhe pse çështja tashmë është mbyllur, ajo vazhdon të jetë temë diskutimi, pikërisht për mënyrën e papritur dhe të qetë se si përfundoi, pas gjithë zhurmës që e shoqëroi.
