Brad Pitt po e përjeton me ndjenjë mungesën e fëmijëve të tij këtë periudhë festash, sipas një burimi të afërt që ka folur për “Page Six”. Aktori fitues i çmimit Oscar, që do të mbushë 61 vjeç më 18 dhjetor, ka shprehur se festat, veçanërisht Krishtlindjet, do të jenë të ndryshme dhe më të hidhura për të nëse nuk mund të kalojë kohë me fëmijët e tij.
Burimi thekson se Pitt dëshiron të forcojë lidhjen me fëmijët e tij, duke shprehur se festat dhe dita e tij e veçantë janë momentet që i japin më shumë rëndësi marrëdhënies me ta.
Pitt dhe ish-gruaja e tij, Angelina Jolie, kanë gjashtë fëmijë: Maddox (23), Pax (21), Zahara (19), Shiloh (18), dhe binjakët Knox dhe Vivienne (16). Pas ndarjes së tyre në vitin 2019, aktori ka pasur momente të vështira, përfshirë një ngjarje që e trishtoi shumë kur Shiloh kërkoi ligjërisht të ndryshonte mbiemrin e saj, duke e hequr atë të babait.
Një burim i brendshëm ka komentuar gjithashtu se Pitt ka pasur ndjenja të lënduara edhe për shkak të veprimeve të Jolie, përfshirë paraqitjen e saj në tapetin e kuq në eventin e Guvernors Awards të 2024 me djalin e tyre Knox, një hap që ai e interpretua si provokim.
