Reperja e njohur Cardi B ka trazuar rrjetet sociale pas publikimit të këngës së saj më të fundit, “Outside”, ku lë të kuptohet për një lidhje të re me yllin e NFL, Stefon Diggs, aktualisht pjesë e New England Patriots.
Në një nga vargjet e këngës, ajo këndon:
Lojtari i ekipit tënd të preferuar po më shkruan mesazh
-duke ndezur thashethemet për marrëdhënien e re.
Në fakt, dyshja nuk e kanë fshehur më afërsinë e tyre, pasi janë parë duke shkëmbyer ndërveprime në rrjetet sociale.
Por përveç romancës së re, Cardi B nuk ka kursyer as akuzat ndaj ish-bashkëshortit të saj, Offset.
Sipas saj, të gjitha shpenzimet bien mbi të, që nga shkollat private e deri te shoferi, kuzhinieri, dadot dhe mësimet e specializuara.
Një vit i tërë ku çdo faturë për fëmijët është paguar vetëm nga unë. Offset? Nuk ka dhënë asnjë qindarkë.
Ajo shtoi se Offset ka kërkuar mbështetje bashkëshortore, ndërkohë që, sipas saj, vetë ka mbajtur mbi supe të gjitha shpenzimet që lidhen me fëmijët.
Ky rrëfim i hapur i Cardi B ka ndezur debat mes fansave dhe ndjekësve të çiftit të dikurshëm.
