Cash Warren, producenti dhe ish-bashkëshorti i Jessica Albas, është fotografuar në një dalje romantike me modelen Hana Sun Doerr, 25 vjeçe, e cila është 21 vjet më e re se ai.
Çifti darkoi së bashku në restorantin luksoz E. Baldi në Beverly Hills, ku nuk i mungoi afrimi. Fotografët i kapën duke mbajtur duart, shkëmbyer përqafime dhe puthje, duke konfirmuar publikisht romancën e tyre.
Warren ishte veshur me një kombinim të thjeshtë të bluzës dhe pantallonave të zeza, ndërsa Hana kishte zgjedhur një fustan mëndafshi të bardhë, të kombinuar me xhaketë lëkure dhe çizme të zeza.
Shumë fansa kanë vënë re ngjashmërinë fizike të Hana-s me ish-gruan e tij, Jessica Alba.
Hana Sun Doerr është diplomuar në qershor 2025 në Universitetin e Kalifornisë, Los Angeles (UCLA), me degën e sociologjisë, dhe sipas IMDb ka provuar edhe aktrimin, duke u shfaqur në vitin 2023 në serialin “Minx” të Starz.
Nga ana tjetër, Jessica Alba konfirmoi divorcin me Warren-in në janar 2025, pas pothuajse 17 vitesh martesë.
Ajo theksoi se marrëdhënia e tyre do të mbetet e respektueshme për hir të fëmijëve dhe se ndarja ishte paqësore.
