Këngëtarja britanike Charli XCX ka surprizuar fansat pasi la të kuptohet se mund të largohet nga muzika për t’u fokusuar në aktrim.
Artistja 33-vjeçare foli për këtë mundësi gjatë një paraqitjeje në serinë në YouTube Feeding Starving Celebrities, e moderuar nga Quenlin Blackwell.
Gjatë bisedës, Blackwell e pyeti nëse do të dëshironte të merrej më shumë me aktrim, ndërsa përgjigjja e Charli-t ishte e drejtpërdrejtë:
Po, po tallesh? Dua ta lë muzikën, zemër, dhe të bëhem aktore
Komentet e saj vijnë pas një periudhe shumë të suksesshme në karrierën muzikore. Albumi i saj i vitit 2024, Brat, fitoi çmimin Grammy Award for Best Dance/Electronic Album, duke konfirmuar ndikimin e saj në skenën pop dhe elektronike.
Gjatë bisedës, ajo foli edhe për idenë e një projekti filmik që do të donte të realizonte, një film horror në stilin e Final Destination, por me një kast të mbushur me figura të njohura të kulturës pop.
Në një video në TikTok të publikuar më herët, këngëtarja përmendi disa emra që do të donte t’i shihte në këtë projekt, përfshirë Rachel Sennott, Alex Consani, Gabbriette Bechtel, Romy Mars dhe vetë Quenlin Blackwell.
Ndërkohë, Charli tashmë ka nisur të ndërtojë një karrierë edhe në kinema. Ajo shfaqet si vetja në dokumentarin The Moment, i cili pati premierën në Sundance Film Festival dhe përfshin aktorë si Rosanna Arquette, Jamie Demetriou dhe Alexander Skarsgård, si dhe një paraqitje të shkurtër nga Kylie Jenner.
Ajo pritet gjithashtu të shfaqet në filmin I Want Your Sex përkrah Olivia Wilde dhe Cooper Hoffman, si dhe në projektin horror Faces of Death.
Edhe pse mbetet një nga artistet më të suksesshme të pop-it modern, duket se Charlie XCX po mendon seriozisht për një kapitull të ri në karrierën e saj, atë të aktrimit.
