Tensioni i syve është një gjë që shumë njerëzve i ndodh por a e dini se përse? Ja se cilat janë disa nga shkaqet dhe kur duhet të shkoni të vizitoheni tek mjekun…
Shkaqet e presionit në sy
Ekspertët thonë se një gjë e tillë mund të shkaktohet nga dhimbjet e kokës, problemet me sinozitin, dhimbjet e dhëmbit apo dëmtimi i nervit optik. Një nga shkaqet më të zakonshme janë infeksionet e sinuseve që shkaktohen nga baktere të ndryshme që zaptojnë zonën pas hundës, syve dhe mollëzave. Infeksione të tilla shoqërohen me dhimbje në këto zona, bllokim të hundëve, sekrecione, kollë, dhimbje të kokës dhe veshit por edhe plogështi e temperaturë.
Dhimbjet e kokës
Dhimbjet e kokës mund të nxisin ndjesinë e presionit në sy por jo vetëm kaq. Dhimbjet e kokës shoqërohen me pezmatim të muskujve të qafës e shpatullës, skuqje të syve, enjtje të fytyrës, rënie të qepallave etj. Sipas të dhënave, sëmundjet autoimunitare mund të shkaktojnë enjtje apo inflamacion në zonën pas syrit. Kësisoj ato dëmtojnë nervin optik që transmeton informacionet vizive nga sytë tek truri. Në raste të tilla, njeriu mund të përjetojë humbje të shikimit, probleme me dallimin e ngjyrave, dhimbje të syve dhe dhëmbëve. Një problem me dhëmbët ose nofullën mund të tensionojë muskujt e fytyrës. Një gjë e tillë nxit dhimbjet e kokës, falë të cilave presioni tek syri bëhet më i ashpër.
Kur duhet të konsultoheni me mjekun
Një konsultë me mjekun është e nevojshme kur ju keni temperaturë të lartë, turbullim apo rënie të shikimit, dhimbje të forta të kokës apo humbje të ndjeshmërisë në trup. Ekspertët rekomandojnë zbatimin e një regjimi të shëndetshëm ushqimor. Ata këshillojnë konsumin e ushqimeve të pasura me vitaminat C, E, A por edhe me bakër, selenium dhe zink. Sipas tyre, njeriu duhet të tregojë kujdes me pirjen e sasive të mëdha të kafeinës e cila shton presionin në sy. Konsumi i bollshëm i lëngjeve është i domosdoshëm thonë ekspertët. Sa i përket gjumit, ju duhet të flini me kokën pak të ngritur që të zbusë presionin ndërsa ju flini. Nëse përdorni medikamente ose solucione për sytë, qëndroni striktë ndaj dozave të rekomanduara. Në të kundërt mund të dëmtoni nervin optik.
