Cruz Beckham ka bërë një dedikim publik për të dashurën e tij, Jackie Apostel, duke e quajtur atë “forca shtytëse” pas suksesit të bandës së tij, The Breakers.
Këngëtari 21-vjeçar, djali i David Beckham dhe Victoria Beckham, ka nisur turin e tij në Mbretërinë e Bashkuar me një koncert në Birmingham, ku performoi këngë nga albumi i tij “Lick The Toad” në skenën e Mama Roux’s.
Por sipas Cruz, asgjë nga kjo nuk do të ishte e mundur pa Jackien. Në një postim emocional në Instagram, ai shkroi:
Nuk mendoj se dikush e kupton sa shumë bën Jackie për ne. Gjatë këtyre viteve ajo ka lidhur bandën, ka lidhur ekipet, është siguruar që gjithçka të funksionojë. Asgjë nga kjo nuk do të ndodhte pa të.
Ai e quajti atë “anëtarja e pestë e The Breakers” dhe shtoi se ajo kujdeset që çdo përmbajtje që publiku sheh të jetë “më e mira e mundshme”.
Jackie, 30 vjeç, ishte e pranishme në koncert, duke mbajtur një kapele me logon e bandës dhe duke mbështetur partnerin nga prapaskena. Çifti janë bashkë që nga viti 2024, pasi u panë për herë të parë së bashku në Glastonbury.
Turneu vjen pas publikimit të këngës “For Your Love”, videoklipi i së cilës përfshin disa referenca familjare, përfshirë një paraqitje të gjyshit të Cruz, Tony Adams.
Në një tjetër detaj argëtues, Cruz u dha anëtarëve të bandës nofka të frymëzuara nga Spice Girls në sistemet e tyre IEM, një përshëndetje e qartë për trashëgiminë e nënës së tij.
Pas një koncerti të shitur brenda minutash në The Courtyard Theatre në Londër, Cruz vazhdoi me një tur të plotë në Mbretërinë e Bashkuar dhe Europë, duke përfshirë qytete si Cardiff, Manchester, Paris, Amsterdam dhe Berlin.
Me mbështetjen e familjes dhe “Boss Spice” në krah, duket se Cruz Beckham po ndërton me hapa të sigurt identitetin e tij në industrinë e muzikës.
