Demi Moore është rikthyer te look-u i saj ikonik. Aktorja 63-vjeçare u shfaq më 3 mars në Los Angeles në një event të Kérastase, duke rikthyer flokët e gjatë, në ngjyrën e zezë natyrale, një stil që prej vitesh është bërë pjesë e identitetit të saj.
Vetëm pak ditë më parë, Moore kishte tërhequr vëmendjen në rreshtin e parë të shfaqjes së Gucci gjatë Milan Fashion Week, ku u shfaq me një transformim të guximshëm: flokë të shkurtër në stil bob, modern dhe mjaft “fashion-forward”.
Në eventin e Kérastase, ajo u paraqit me flokë të gjatë deri në bel, të kombinuara me një veshje shumëngjyrëshe golf blu, xhaketë jeshile dhe minifund të zi, të plotësuara me taka elegante.
Aktiviteti përfshinte një bisedë publike mes Demi Moore dhe Sara Foster, si dhe prezantimin e linjës Chronologiste për kujdesin e flokëve dhe skalpit.
Look-u me flokë të shkurtër ishte realizuar nga stilisti i njohur Dimitris Giannetos, i cili u shpreh se prerja ishte frymëzuar nga siluetat e koleksionit të ri të Gucci-t dhe synonte të nxirrte në pah anën moderne dhe të guximshme të aktores.
Më 1 mars, Moore mori pjesë në Actor Awards në Los Angeles, ku u shfaq me flokët e mbledhur në topuz dhe me një fustan dramatik nga Schiaparelli, i plotësuar me bizhuteri luksoze nga Harry Winston me mbi 95 karatë.
E emëruar ambasadore globale e Kérastase në janar, Demi Moore ka theksuar se bukuria e vërtetë lidhet me autenticitetin dhe pranimin e vetes, një filozofi që reflektohet qartë në transformimet e saj të fundit.
