Dua Lipa ka mahnitur Prishtinën mbrëmjen e së mërkurës, teksa u pa duke shijuar një dalje romantike me të fejuarin e saj, aktorin britanik Callum Turner.
Çifti kaloi një mbrëmje të ngrohtë verore në një nga ambientet më të njohura të kryeqytetit, të rrethuar nga miq të afërt, kokteje freskuese dhe muzikë, duke tërhequr vëmendjen e të gjithë të pranishmëve.
E veshur me stil dhe me buzëqeshjen e saj karakteristike, ylli shqiptar me famë botërore u duk e relaksuar dhe e lumtur pranë partnerit, ndërsa të dy reflektonin një lidhje të fortë dhe të natyrshme.
Prania e saj në Prishtinë ka emocionuar fansat, të cilët e kanë parë si një moment të veçantë që artistja e tyre e preferuar ka zgjedhur të ndajë disa çaste personale pikërisht në vendlindjen e familjes së saj.
Kjo shfaqje publike e çiftit vjen vetëm pak ditë para performancës së shumëpritur të Dua Lipës në skenën e festivalit “Sunny Hill 2025”, ku ajo do të ngjitet natën e parë të së premtes.
