Alexandra Grant ka thyer heshtjen pas zërave të shumtë që qarkulluan ditët e fundit se ajo dhe aktori i famshëm i Hollivudit, Keanu Reeves, janë martuar fshehurazi.
Në një postim në Instagram, artistja 51-vjeçare publikoi një foto ku shihet duke ndarë një puthje me aktorin, por sqaroi menjëherë situatën:
Kjo është një foto e vërtetë. Jo një foto fejese apo një njoftim martese… vetëm një puthje! Jemi në Kraterin Roden, pas një interviste me James Turrell për projektin Visionaries.
Grant shtoi me humor se megjithëse ishte e këndshme të merrte urime nga miqtë dhe fansat, lajmet për martesën nuk janë të vërteta.
Po e ndaj këtë këtu për t’ju falënderuar për urimet për ‘martesën’ tonë. Vetëm se nuk u martuam. Lajmet e mira janë të nevojshme, por edhe lajmet e rreme shpërndahen shpejt. Ja pra një dozë e vogël lumturie të vërtetë!
-shkroi ajo.
Zërat nisën pasi “Radar Online” raportoi se Reeves dhe Grant ishin martuar këtë verë në një ceremoni intime në Evropë, të rrethuar nga të afërm dhe miq të ngushtë.
Çifti, i cili u njoh në vitin 2009 dhe bashkëpunoi në libra arti si “Ode to Happiness” (2011) dhe “Shadows” (2016), bëri daljen e parë publike në vitin 2019 në Galanë e Artit + Filmit LACMA, duke i dhënë fund zërave të mëparshëm për lidhjen e tyre.
Për momentin, fansat mund të qetësohen: Reeves dhe Grant mbeten një çift i dashuruar, por jo burrë e grua.
