Këngëtari 31-vjeçar ndau në Instagram disa fotografi të modeles, e cila tërhoqi vëmendjen në tapetin e kuq me një minifustan elegant nga Saint Laurent dhe bizhuteri të shkëlqyera Tiffany & Co.
Më pas, Justin ndau me ndjekësit edhe imazhe nga festa pas eventit, ku Hailey u shfaq me një tjetër veshje luksoze – një minifustan kadife në ngjyrë shampanje që theksoi linjat e saj elegante.
Ndërkohë që Hailey parakalonte e vetme në një nga eventet më të rëndësishme të modës, Justin u raportua se qëndroi në shtëpi duke ndjekur një ndeshje hokeji. Kohët e fundit, fansat kanë shprehur shqetësime për sjelljen e tij të çuditshme pas lindjes së djalit të tyre, Jack, në vjeshtën e kaluar.
Gjithashtu, emri i artistit është përmendur në rrjet pas nisjes së procesit gjyqësor ndaj Sean “Diddy” Combs për trafikim seksual. Disa video të vjetra ku shfaqet Bieber në moshë të re përkrah Diddy-t kanë rikthyer debatet për natyrën e marrëdhënies së tyre në atë periudhë.
Pavarësisht spekulimeve, çifti Bieber vijon të tregojë një bashkëpunim dhe mbështetje reciproke, sidomos në momente publike si Met Gala.
