Modelja e njohur Hailey Bieber u shfaq e vetme dhe me një qëndrim të përmbajtur në tapetin e Met Gala 2025, duke munguar krahas bashkëshortit të saj Justin Bieber, katër vjet pas incidentit të bujshëm me fansat e Selena Gomez.
E veshur me një fustan elegant në formë xhakete të shkurtër nga “Saint Laurent”, të kombinuar me taka me platformë dhe bizhuteri luksoze, 28-vjeçarja bëri rikthimin e saj në këtë event madhështor pas një mungese trevjeçare.
Ndërkohë, Justin nuk u shfaq në event dhe postoi në rrjete sociale një video ku shihej duke ndjekur një ndeshje hokeji nga shtëpia në Los Angeles, duke lënë të kuptohet se kishte zgjedhur të mos ishte pjesë e mbrëmjes së modës më të rëndësishme të vitit.
Mungesa e këngëtarit dhe heshtja e Hailey-t kanë ngjallur sërish spekulime për tensione në çift, që datojnë që nga Met Gala 2021, kur ata u përballën me brohoritje fyese nga fansat e Selena Gomez.
Në atë kohë, modelja u përfol se kishte mbajtur syze dielli gjithë natën për të fshehur emocionet.
Në një intervistë për podkastin “Call Her Daddy”, Hailey mohoi të kishte qarë, por pranoi se ishte ndier e shqetësuar nga sjellja e turmës, të cilën e cilësoi si “mungesë respekti”. Ajo shtoi se përpiqet të ruajë qetësinë me mantrën:
Një ditë tjetër, një tjetër sfidë për të kapërcyer.
Met Gala 2025, e mbajtur në New York City, kishte si temë “Superfine: Tailoring Black Style” dhe si bashkëkryetarë: Anna Wintour, Pharrell Williams, Lewis Hamilton, Colman Domingo dhe ASAP Rocky, ndërsa LeBron James ishte kryetar nderi, megjithëse mungoi për shkak dëmtimi.
Ndër të ftuarit e tjerë që nuk morën pjesë ishin Sarah Jessica Parker, për arsye profesionale, ndërsa Kanye West dhe Donald Trump mbeten jashtë listës për shkak të qëndrimeve të tyre të diskutueshme.
