Reperi italian Fedez ka vendosur të kufizojë përdorimin e mediave sociale dhe të komunikojë vetëm përmes projekteve të tij krijuese. Në një postim në Instagram, ai njoftoi:
Siç mund ta shihni, kam vendosur të flas vetëm përmes muzikës dhe prodhimeve të mia krijuese (podkasteve). Kjo do të jetë mënyra ime e vetme e komunikimit që tani e tutje. Thjesht sepse kështu mund ta shpreh veten më së miri. Përqafime të gjithëve.
Sipas mediave italiane, reperi do të përdorë profilet e tij vetëm për të promovuar publikimet e reja muzikore dhe projektet krijuese, përfshirë podkastin e tij “Pulp”, që drejton së bashku me Marra.
Ky vendim përfaqëson një ndryshim të madh për ish-bashkëshortin e Chiara Ferragni, i cili më parë ndante rregullisht detaje nga jeta private në rrjetet sociale.
Pas ndarjes nga Ferragni, ata ranë dakord që të kërkonin leje për çdo publikim që lidhet me fëmijët e tyre, Leonen dhe Vittorian, duke reduktuar dukshëm praninë e tyre online.
Në muajt e fundit, Fedez është shfaqur rrallë në Instagram, duke ndarë kryesisht fragmente nga podkasti “Pulp” dhe disa foto me partneren e tij të re, sipërmarrësen milaneze Giulia Honegger. Kjo lëvizje tregon një fokus të ri të reperit drejt krijimtarisë dhe larg mediave sociale.
