Përfaqësuesja e Gjermanisë ka kaluar zyrtarisht rekordin e Brazilit për numrin më të madh të golave të shënuar në historinë e turneut.
Rekordi u vendos pas fitores së thellë 7-1 ndaj Kurasaos, rezultat që i lejoi gjermanët të arrijnë kuotën historike prej 239 golash në Kupën e Botës.
Ky moment i ri historik shton një tjetër kapitull në rivalitetin mes dy fuqive të futbollit botëror, të cilat kanë shkruar disa nga faqet më të famshme të këtij turneu.
Një prej tyre mbetet edhe gjysmëfinalja e Botërorit 2014, kur Gjermania mposhti Brazilin 7-1 në Belo Horizonte, një nga humbjet më të rënda në historinë e turneut.
Gjermania tashmë kryeson listën historike të golashënuesve në Kupën e Botës, duke lënë pas Brazilin në këtë statistikë prestigjioze.
