Marrëdhënia e Justin dhe Hailey Bieber ka qenë në qendër të vëmendjes javët e fundit, pas disa postimeve të këngëtarit në rrjetet sociale që ngjallën spekulime dhe konfuzion tek fansat.
Fillimisht, Justin publikoi shumë dedikime për Ditën e Nënës rreth Hailey-t duke i lënë fansat të konfuzuar nga romanca dhe ndjenjat.
Pak ditë më vonë, ai ndau një tjetër postim për të festuar suksesin e Hailey-t në kopertinën e parë solo të revistës Vogue, por pikërisht ky mesazh shkaktoi një reagim masiv në internet.
Në Instagram, Justin shkruante:
Kjo më kujton kur unë dhe Hailey patëm një zënkë të madhe, dhe i thashë se nuk do të ishte kurrë në kopertinën e Vogue. E di, shumë e ligë… për ndonjë arsye, ndjeva sikur duhet të hakmerresha… Zemër, ti tashmë e di, por më fal që thashë se nuk do e arrije kurrë, sepse e kisha shumë gabim.
Pas kritikave të shumta nga fansat, Justin ndryshoi shpejt përshkrimin e postimit në disa emoji, por komentet e para tashmë ishin lexuar dhe përhapur gjerësisht.
Një komentonte:
Uroj që një dashuri e tillë të mos më gjejë kurrë, më mirë të jem me macet e mia.
Ndërsa një tjetër shkruante:
Hailey meriton më shumë.
Për të qetësuar situatën, burime pranë çiftit kanë dhënë sqarime për Page Six, duke theksuar se marrëdhënia e tyre është e qëndrueshme dhe pa probleme. Një burim tha:
Ishte mënyra e tij për të thënë ‘më fal që dyshova te ti, urime’. Ka qenë vetëm kaq. Ajo e njeh karakterin e tij. Ata e duan njëri-tjetrin. Hailey ka qenë shumë e mirë për të.
Një tjetër burim, që ka punuar më parë për çiftin, shtoi:
Hailey fillimisht ishte thjesht një fanse. Asaj iu desh të vërtetonte shumë, jo vetëm për të fituar dashurinë e tij dhe titullin si bashkëshortja e tij, por edhe si nëna e fëmijës së tij. Ajo ka bërë gjithçka që ai të ndihet i sigurt… Gjithçka është nën mikroskop, është shumë e vështirë.
Pavarësisht zhurmës në rrjet, duket se Justin dhe Hailey po përballojnë presionin mediatik duke qëndruar bashkë dhe duke i dhënë mbështetje njëri-tjetrit në fazën e re të jetës së tyre si prindër.
