Hapen aplikimet për Skemën Kombëtare të Mbështetjes 2026, një paketë e re financimi për sektorin e bujqësisë dhe zhvillimit rural. Në një postim, kryeministri Edi Rama shkruan se skema përfshin gjithsej 9 masa direkte mbështetjeje dhe 3 investimi.
Ndër direktet, përfshihen mbështetja për tufën bazë të matrikulluar të gjedhit e të imtave, zhvillimi i bletarisë, mbështetja për tufën e dosave dhe paradosave, kontrolli biologjik i dëmtuesve në sera dhe tunele plastike, fermat organike, certifikimi GlobalGAP, mbështetja për sipërfaqet e mbjella, si dhe ripopullimi i peshkimit në ujërat e brendshme.
Ndërkohë, te masat e investimit përfshihen mbështetja për fermerët e rinj, ndërtimi dhe rikonstruksioni i staneve, si dhe financimi për pajisje, makineri e mjete që synojnë mekanizimin dhe modernizimin e proceseve të punës në bujqësi.
Sipas kryeministrit, kjo skemë përbën një tjetër hap konkret për të mbështetur prodhimin vendas, formalizimin dhe zhvillimin e qëndrueshëm të bujqësisë shqiptare.
Aplikimet për Skemën Kombëtare 2026 kryhen online përmes platformës e-Albania.
Postimi i plotë:
Hapen aplikimet për Skemën Kombëtare 2026
Skema Kombëtare e Mbështetjes përfshin 9 masa direkte dhe 3 masa investimi
Masat direkte të mbështetjes:
• Tufa bazë e matrikulluar e gjedhit
• Tufa bazë e matrikulluar e imtave
• Mbarështimi i bletarisë
• Tufa bazë e matrikulluar e dosave dhe/ose paradosave
• Kontrolli biologjik i dëmtuesve në sera dhe tunele plastike
• Fermat organike
• Implementimi dhe certifikimi Global GAP
• Mbështetja për sipërfaqet e mbjella
• Ripopullimi i peshkimit në ujërat e brendshme
Masat e investimit:
• Mbështetje për fermerët e rinj
• Ndërtim dhe rikonstruksion stanesh
• Pajisje, makineri dhe mjete për mekanizimin dhe modernizimin e proceseve të punës
Një tjetër hap konkret për të mbështetur prodhimin vendas, formalizimin dhe zhvillimin e qëndrueshëm të bujqësisë shqiptare
Aplikimi kryhet online përmes platformës e-Albania
