Studiues nga King’s College London zhvilluan një eksperiment të ri me modele kryesore të inteligjencës artificiale – GPT-5.2 nga OpenAI, Claude Sonnet 4 nga Anthropic dhe Gemini 3 Flash nga Google për të testuar sjelljen e tyre në simulatorë ushtarakë. Rezultatet, sipas TechSpot, tregojnë se modelet janë të prira drejt përshkallëzimit ekstrem. Në 95% të simulimeve, të paktën njëra palë përdori armë bërthamore. Dorëzimi nuk u zgjodh në asnjë rast.
Gjatë eksperimentit, secilit model iu dhanë skenarë të detajuar që përfshinin konflikte kufitare, mungesë burimesh dhe kërcënime ekzistenciale për mbijetesë. Ata kishin në dispozicion edhe “shkallën e përshkallëzimit” nga diplomacia deri te konflikti bërthamor. Në total u zhvilluan 21 lojëra me 329 lëvizje, ku AI prodhoi rreth 780 mijë fjalë argumentim. Në 86% të rasteve, modelet menaxhuan gabimisht “mjegullën e luftës”, duke çuar në përshkallëzime të paqëllimshme.
Një model i ri i inteligjencës artificiale për gjenerimin e videove, Seedance 2.0, i zhvilluar nga kompania kineze ByteDance, ka shkaktuar reagime të forta në industrinë e filmit, pasi është në gjendje të krijojë video me cilësi kinematografike, përfshirë dialogë dhe efekte zanore, vetëm nga udhëzime të shkruara. Studio të mëdha si Disney dhe Paramount kanë ngritur akuza për shkelje të të drejtave të autorit, duke dërguar letra paralajmëruese ndaj kompanisë.
Inteligjenca Artificiale po shfaqet gjithnjë e më shpesh si arsye për shkurtime vendesh pune. Por, në shumë kompani, realiteti është më kompleks: reduktimet po ndodhin më shumë nga pritshmëritë për ndikimin e ardhshëm të IA sesa nga efektet reale që ajo po prodhon sot. Një sondazh global me mbi 1,000 drejtues biznesi në fund të vitit 2025 sugjeron se IA është pas një pjese të shkurtimeve, por kryesisht si faktor parashikues. Vetëm një përqindje shumë e vogël e kompanive raportojnë ulje të mëdha të stafit si rezultat direkt i zbatimit real të IA.
