Është padyshim fenomeni mediatik i këtij viti, shumë i ndjekur dhe i komentuar. “Big Brother” në kohën e rrjeteve sociale është shumë e vështirë t’i shpëtosh. Mbrëmjen e datës 19 Prill në Top Channel, u mbajt finalja e madhe e edicionit të katërt të ‘reality show’-t i cili ka thyer rekorde.
Top Albania Radio ka qenë live mbrëmjen e finales së madhe në Tapetin e Kuq të “BBV”. Me intervista, foto dhe çdo detaj tjetër që të mos humbisnit asgjë. Me raportime të çdo ndodhie gjatë këtij eventi dhe në transmetim live në valët e Top Albania Radios, kjo natë premtoi vetëm surpriza.
Në një intervistë të shkurtër Klajdi Musabelliu u shpreh se:
Ka qenë një eksperiencë shumë e bukur, edhe pse vetëm 42 ditë por nuk zgjati vetëm aq për faktin se jehona vazhdon ende edhe sot e kësaj dite. Jam kënaqur shumë, njerëzit i kam bërë për të qeshur. Kjo ka rëndësi që i kam argëtuar, i jam rikthyer muzikës falë Top Media-s dhe Top Albania Radio-s.
