Jennifer Aniston u shfaq të martën në premierën e sezonit të katërt të serialit të saj të suksesshëm, “The Morning Show”, e shoqëruar nga i dashuri i saj, hipnoterapeuti Jim Curtis.
Curtis qëndroi pranë aktores gjatë gjithë ngjarjes në tapetin e kuq në Muzeun e Artit Modern, ndërsa Aniston pozoi përpara fotografëve së bashku me kolegët e saj, Reese Witherspoon, Billy Crudup, Marion Cotillard dhe Mark Duplass.
Aniston, 56 vjeçe, tërhoqi vëmendjen me një fustan elegant të zi pa rripa, i cili nxirrte në pah format e trupit dhe ngushtohej tek beli. Witherspoon koordinonte stilin me një fustan të zi me supe të zbuluara dhe detaje të veçanta në fund.
Curtis po ashtu zgjodhi një veshje të zezë, me pulovër dhe pantallona të errëta, duke e kompletuar stilin e Aniston-it.
Kjo paraqitje duket se konfirmon se lidhja e tyre po bëhet më serioze, pasi aktorja e prezantoi të dashurin edhe në rrjetet sociale gjatë fundjavës.
