Jessica Alba ka konfirmuar publikisht lidhjen e saj me aktorin Danny Ramirez, duke e bërë zyrtare në Instagram. Aktorja 44-vjeçare ndau një foto ku shfaqet duke mbajtur dorën e Ramirezit, 33 vjeç, ndërsa zbresin shkallët drejt plazhit në Byron Bay, Australi.
Në mbishkrimin e postimit, Alba shkroi thjesht “Byron Bay” duke shtuar një emoji zemre blu, një detaj i vogël që mjaftoi për të ndezur rrjetin me komente nga fansat që e uruan për lidhjen e re.
Sipas “Daily Mail”, dyshja janë në një marrëdhënie prej disa muajsh, që pas ndarjes së Alba-s nga bashkëshorti i saj, producenti Cash Warren, në dhjetor të vitit të kaluar.
Gjatë qëndrimit në Australi, Alba është parë shpesh duke shijuar momentet e qeta në natyrë, nga meditimi në plazh deri te xhirimet e trillerit të saj të ri “The Mark”.
Aktorja dhe Ramirez, të cilët janë njohur gjatë xhirimeve të filmit “Top Gun: Maverick”, duken të lumtur dhe të përkushtuar ndaj njëri-tjetrit, ndërsa po e mbajnë lidhjen larg bujës mediatike.
Ky postim shënon konfirmimin e parë publik të romancës së tyre, duke treguar se Jessica Alba ka gjetur përsëri dashurinë pas ndarjes së saj të bujshme.
