Termi “divorci gri” përdoret për t’iu referuar divorcit që ndodhin në moshë të mesme ose më të avancuar kur bashkëshortët janë ndoshta pas viteve 50 apo më shumë. Gjatë jetës, marrëdhëniet me prindërit evoluojnë. Kur jemi fëmijë, ata kujdesen për ne, ndërsa me kalimin e kohës, ne shpesh marrim rol të mbështetjes së tyre. Një divorc i vonë mund të ndërpresë papritur këtë rrjedhë.
Studimet tregojnë që kur prindërit divorcohen në moshë më të madhe, mund të ndodhë një ndryshim drastik në marrëdhëniet me secilin prind. Prindërit femra shpesh përballen me penalitet ekonomik pas divorcit veçanërisht nëse kanë kaluar më pak vite në punë. Prindërit meshkuj përballen me penalitet social, në shumë raste ata më pak kujdesen për rrjetet sociale apo për lidhjen me familjarët dhe miqtë dhe shpesh humbin mundësinë e kontaktit të rregullt me fëmijët, të cilët mund të favorizojnë nënën.
Fëmijët e rritur pas divorcit shpesh i afrohen më së shumti nënës. Megjithatë, jo gjithmonë marrëdhëniet prishen, por në disa raste, fëmijët pranojnë ose mbështesin vendimin e prindërve, veçanërisht nëse marrëdhënia kishte konflikte. Edhe pse ndikimi mund të jetë i hidhur, marrëdhëniet mund të përmirësohen me kohën. Prindërit që u rikthehen kontakteve mes njëri- tjetrit përpiqen të rindërtojnë marrëdhënien shpesh arrijnë të kapërcejnë distancën e krijuar pas divorcit. Fëmijët që përjetojnë një divorc të prindërve në moshë të madhe shpesh kërkojnë grupet mbështetëse për të ndarë përvojat dhe për të mos u ndjerë vetëm gjatë kësaj periudhe.
Nëse prindërit kanë pasur konflikte të vazhdueshme, fëmijët mund të përjetojnë lehtësim nga ndarja. Nëse divorci vjen befas, pa komunikim apo pa prirje për pajtim, mund të krijojë lëndime emocionale më të thella. Divorci në moshë të madhe nuk është vetëm çështje e dy personave, ai ka efekt më të thellë. Njohja e këtyre ndikimeve mund të ndihmojë familjet të jenë më të përgatitura për komunikim, menaxhim emocional dhe ndërtim të rrugëve të reja lidhëse. Për fëmijët e rritur, të kuptuarit që nuk janë vetëm dhe që janë të drejtë të ndiejnë emocione të përziera është hap i rëndësishëm drejt shërimit.
Ndërkaq, martesa shpesh sjell me vete sfida dhe surpriza që nuk i parashikon dot derisa të bën të jetosh çdo ditë me partnerin tënd. Një sondazh i ri ka zbuluar se pothuajse 70% e personave të divorcuar që martohen përsëri raportojnë se janë më të lumtur dhe më të shëndetshëm në martesën e tyre të dytë. Ekspertët thonë se mësimet e marra nga marrëdhëniet e mëparshme shpesh çojnë në lidhje më të forta herën e dytë. Çiftet e rimartuara kanë pritshmëri më të qarta, komunikim më të mirë dhe një kuptim më të fortë të përputhshmërisë. Këta faktorë ndihmojnë në uljen e konflikteve dhe në rritjen e stabilitetit emocional në marrëdhënie.
