Më 28 maj, Hailey ndau me ndjekësit e saj në Instagram lajmin e madh, duke njoftuar se kompania e saj është blerë nga gjiganti “e.l.f. Cosmetics”.
Në postimin e saj, ajo theksoi se që nga themelimi i “Rhode” në vitin 2022, kishte vizion të qartë për ta çuar markën përtej kufijve dhe për ta afruar te më shumë njerëz anembanë botës.
Gjithmonë kam pasur ëndrra të mëdha për këtë kompani, dhe qëllimi im kryesor ka qenë ta sjell “Rhode” në më shumë hapësira dhe te më shumë njerëz
Justin e përkrahu në mënyrën e tij: ai publikoi një karusel fotosh në Instagram, ku përfshiu një screenshot të njoftimit të Hailey-t dhe një pamje nga mbishkrimi i saj në rrjet.
Ai nuk shkroi asnjë koment, por gjesti i tij foli vetë – ndërsa Hailey reagoi me një emoji zemre.
Ky zhvillim vjen si një tjetër sukses për çiftin, duke e forcuar më tej pozicionin e tyre jo vetëm në botën e showbiz-it, por edhe në atë të biznesit.
