Kupa e Shqipërisë zhvilloi sot 11 takimet e mbetura për turin e parë. Në ndeshjet e kthimit ka surprizuar Tirana, që është ndalur në barazim 2-2 me Veleçikun në kompleksin “Skënder Halili”. Edhe pse barazim, bardheblutë kalojnë më tej falë fitores 0-3 në ndeshjen e parë.
Në “Elbasan Arena”, Partizani fitoi 2-0 me Orikun duke kaluar më tej. Golat e Menich dhe Skukës i kanë dhënë të drejtë të kuqve për raundin e dytë. Turin e kanë kaluar edhe Apolonia, Kastrioti, Korabi, Egnatia, Kukësi, Erzeni dhe Skënderbeu. Ndeshjet Vllaznia – Flamurtari dhe Tomori – Burreli i janë drejtuar kohës shtesë me 30 minuta pas rezultatit të barabartë në dy takimet.
Rezultatet:
*Skuadrat e kualifikuara pas raundit të parë në ndeshjet vajtje-ardhje
Apolonia* 1-1 Besëlidhja
Tirana *2-2 Veleçiku
Partizani *2-0 Oriku
Vora 0-0 Kastrioti*
Korabi* 3-0 Besa
Kukësi* 2-0 Labëria
Egnatia* 3-0 Shkumbini
Skënderbeu* 3-0 Maliqi
Erzeni* 4-0 Turbina
Vllaznia* 3-0 Flamurtari
Tomori* 3-0 Burreli
Dje
Laçi* 5-0 Devolli
Bylis* 7-1 Pogradeci
Dinamo* 3-0 Butrinti (tavolinë)
Teuta* 2-0 Luzi
Tërbuni 3-1 *Lushnja
Kupa e Shqipërisë ka mësuar edhe çiftet e raundit të dytë në grupet A dhe B. Pas ndeshjeve të kthimit në raundin e parë, skuadrat tanimë mësojnë edhe kundërshtarët sipas formulës së programuar më herët nga FSHF. Në grupin A spikasin duelet Bylis – Vllaznia, Korabi – Partizani dhe Lushnja – Tirana. Në grupin B, Kukësi luan me Apoloninë, Tomori me Laçin dhe Erzeni me Teutën. Egnatia përballet me Skënderbeun.
Grupi A
Lushnja – Tirana
Korabi – Partizani
Bylis – Vllaznia
Dinamo – Kastrioti
Grupi B
Tomori – Laçi
Apolonia – Kukësi
Erzeni – Teuta
Skënderbeu – Egnatia
