Kylie Jenner ka tërhequr sërish vëmendjen në rrjetet sociale me një set fotografik provokues, ku shfaqet në bikini gjatë një dite me diell në varkë. Por ajo që vërejtën menjëherë fansat ishte një detaj domethënës: një kapele e ekipit të basketbollit New York Knicks – skuadra e preferuar e partnerit të saj, aktorit Timothee Chalamet.
27-vjeçarja shfaqi linjat trupore me bikini të zezë dhe një fustan të shkurtër elegant, të kompletuar me aksesorë të rafinuar. Kapelet sportive që kishte vendosur, duket se ishin një gjest i thjeshtë por i përzemërt ndaj Timothee, duke forcuar idenë se romanca e tyre po bëhet gjithnjë e më e dukshme.
Timothee, 29 vjeç, është një fans i flaktë i Knicks dhe është parë shpesh me veshje të këtij ekipi gjatë ndeshjeve.
Çifti u pa së fundmi në një ndeshje të Lakers në Los Angeles, ku ndanë një puthje romantike përpara kamerave, duke e bërë lidhjen e tyre publike dhe të komentuar gjerësisht.
Ndërkohë, Kylie u shfaq në Miami për të mbështetur mikeshën e saj të ngushtë, Hailey Bieber, në një event të markës së saj të kujdesit për lëkurën, Rhode.
Dyshja u fotografuan në një Porsche kabriolet, ndërsa Hailey ndau një selfie të përbashkët me përshkrimin nostalgjik:
Nga 15 vjeçe në të njëzetat me foshnje dhe më tej.
Romanca e Kylie Jenner dhe Timothee Chalamet, që nisi në prill 2023, duket se po forcohet çdo ditë e më shumë, me çiftin që tani nuk ngurojnë të ndajnë momentet e tyre në publik.
