Lajmi u konfirmua nga familja e tij përmes një njoftimi zyrtar, ku u tha se artisti ndërroi jetë i qetë, i rrethuar nga të afërmit.
Me një trishtim të thellë ju njoftojmë se i dashuri ynë Ozzy Osbourne ndërroi jetë këtë mëngjes. Ai ishte pranë familjes së tij dhe i mbuluar me dashuri. Ju lutemi të respektoni privatësinë tonë në këtë moment të dhimbshëm
-thuhet në deklaratën e familjes.
Osbourne ishte i martuar me Sharon Osbourne që nga viti 1982 dhe së bashku kishin tre fëmijë. Prej disa vitesh ai vuante nga sëmundja e Parkinsonit, ndërsa gjendja e tij shëndetësore ishte përkeqësuar ndjeshëm muajt e fundit.
Në atë performancë të paharrueshme, Osbourne u përkul para publikut të tij teksa ishte ulur në një fron, ndërsa emra të mëdhenj të skenës si Metallica dhe Guns N’ Roses i bënë homazh duke interpretuar disa nga hitet më të njohura të grupit.
Faleminderit nga thellësia e zemrës sime
-u shpreh ai mes lotëve para mijëra fansave që i rezervuan një duartrokitje të gjatë në nder të një jete të tërë të përkushtuar ndaj muzikës.
Ozzy Osbourne do të kujtohet përgjithmonë si një pionier i muzikës heavy metal, një figurë ikonike që ndikoi brez pas brezi në industrinë e muzikës.
