Machine Gun Kelly ka thyer heshtjen për ndarjen nga Megan Fox, duke rrëfyer detaje personale dhe emocionale në një nga këngët e albumit të tij të ri.
Artisti 35-vjeçar ka publikuar albumin e shtatë, me titull “Lost Americana”, ku veçohet kënga “Treading Water”, e mbushur me rrëfime për dhimbjen, gabimet dhe pasojat e marrëdhënies së tyre.
Në këtë këngë, MGK shpreh zhgënjimin e thellë me jetën e tij dhe madje parashikon një fund të trishtë, duke thënë se mund të “vdesë vetëm”.
Ai këndon:
Kjo do të jetë hera e fundit që më dëgjoni të kërkoj falje… e rrëzova këtë shtëpi
-duke e përsëritur disa herë frazën “shtëpia u rrëzua”.
Megjithatë, ai shton se do të përpiqet të ndryshojë për vajzën e tyre të sapolindur, Saga Blade, e cila erdhi në jetë në mars.
Megan Fox dhe MGK njoftuan shtatzëninë në nëntor 2024, por vetëm pak javë më vonë u ndanë, pasi aktorja dyshohet se zbuloi “mesazhe nga gra të tjera” në telefonin e tij.
Në vargjet e këngës, ai pranon pabesinë, duke thënë:
Gënjeshtrat nuk vdesin, ato rriten, dhe çdo gjë që përpiqesh të fshihësh, përfundimisht del në shesh.
Artisti zbulon gjithashtu se e ka shkruar këngën gjatë qëndrimit në një qendër rehabilitimi, ku kaloi Krishtlindjet, duke pranuar se kishte “mbledhur valixhet” për t’u larguar dhe për të reflektuar mbi jetën e tij.
Ky rrëfim muzikor shihet nga fansat si një nga deklaratat më të sinqerta të Machine Gun Kelly deri më sot, ku arti bëhet një formë e hapur e autopranoimit dhe reflektimit pas një ndarjeje të bujshme.
