Aktori Frankie Muniz, i njohur për rolin e tij në serialin “Malcolm in the Middle”, zbuloi arsyen pse nuk kishte kontakt me kolegen e tij nga filmat për adoleshentë, aktoren Hilary Duff, për 22 vjet. Muniz pohon se shkaku kryesor i prishjes së miqësisë së tyre ishte ndërhyrja e nënës së aktores, Susan Duff, prandaj marrëdhënia e tyre ka mbetur e tensionuar deri më sot. Aktori kujtoi se si të dy u takuan si aktorë të rinj në Los Angeles dhe shpejt u bënë miq shumë të ngushtë.
Miqësia e tyre ishte aq e fortë sa Duff e ftoi Muniz të luante veten në një episod të serialit të saj “Lizzie McGuire”. “U bëmë miq shumë, shumë të mirë. Kishim një miqësi shumë të mirë për një kohë të gjatë”, tha ai. Megjithatë, pika e kthesës ndodhi në xhirimet e atij seriali, kur Susan Duff filloi të ndikonte fuqishëm në vendimet e tyre profesionale. Muniz tha se kur zbuloi planet për filmin “Agjenti Cody Banks”, Susan pyeti menjëherë nëse kishte një rol për Hilaryn dhe pastaj papritmas u vendos që ata do ta bënin filmin së bashku.
Muniz u shokua nga mënyra se si studioja e trajtoi çështjen, duke ndjerë se klauzola e kontratës së tij ishte injoruar. Edhe pse ai dhe Duff bënë një punë profesionale në xhirime, tensioni për ndërhyrjen e nënës së saj ndikoi në miqësinë e tyre. Muniz nuk ka folur me Hilaryn që nga dita e fundit e xhirimeve dhe sot ai ndien keqardhje të sinqertë për prishjen e miqësisë së tyre. Ai thekson se do të donte të rivendoste kontaktin dhe të sqaronte çdo keqkuptim, duke besuar se Duff mund të mos jetë as në dijeni të asaj që ka ndodhur.
Në fillim të viteve 2000, Hilary Duff u bë e famshme si ylli i ‘Lizzie McGuire’, një serial adoleshentësh i Disney Channel që ishte një hit i madh për shikuesit në atë kohë. Megjithatë, kjo famë bëri që aktorja të përballej me situata të ndërlikuara që e çuan atë të vuante nga një çrregullim i të ngrënit kur ishte vetëm 17 vjeçe.
Në kulmin e karrierës së saj, Duff ishte e fiksuar pas imazhit të trupit dhe hollësisë së aktoreve. Të paktën kështu rrëfen ajo në një intervistë për Women’s Health Australia. “Ishte e tmerrshme,” tha ajo. Presioni për të ruajtur pamjen që shoqëria donte prej saj e komplikoi adoleshencën e saj dhe kjo e bëri atë të ndryshonte dietën e saj dhe të kalonte një periudhë të vështirë.
