Vazhdojnë tensionet në Lindjen e Mesme. Pas një rënieje fillestare prej 14% të çmimeve të naftës si rezultat i njoftimit të një armëpushimi dyjavor mes Shteteve të Bashkuara të Amerikë e Iranit, kostoja e naftës bruto amerikane është rritur përsëri.
Karburanti West Texas Intermediate (WTI) u rrit me 2.68 dollarë, në 97.09 dollarë për fuçi.
Ngushtica e Hormuzit u mbyll “plotësisht”, duke i detyruar anijet cisternë të ktheheshin, sipas raportimeve të medias iraniane.
Grupi libanez Hezbollah, i afërt me Iranin, tha se goditi me raketa Izraelin, në përgjigje të shkeljes së armëpushimit SHBA-Iran, sipas AFP-së. Deklarata erdhi pasi grupi pohoi se kishte të drejtë t’i përgjigjej një serie sulmesh izraelite ndaj Libanit.
Presidenti amerikan, Donald Trump shprehu mosmiratimin e tij ndaj NATO-s, duke vënë në dukje se:
Nuk ishte aty kur na duhej dhe nuk do të jetë aty nëse na duhet përsëri.
Ndër të tjera, shefi i Shtëpisë së Bardhë shtoi se forcat ushtarake amerikane do të qëndrojnë në terren, derisa të respektohet plotësisht një marrëveshje e vërtetë.
Ndërkaq, kreu i Elizesë, Emmanuel Macron, dënoi sulmet e Izraelit ndaj Libanit, duke i quajtur ato “të padiferencuara”.
