Melania Trump ka deklaruar se inteligjenca artificiale mund të transformojë rrënjësisht mënyrën se si mësojnë fëmijët, duke ofruar akses më të gjerë në arsim cilësor për të gjithë. Në një artikull opinioni, ajo thekson se teknologjia e AI mund të shërbejë si një barazues i madh, duke u dhënë mundësi edhe nxënësve në zona të largëta apo me më pak burime që të kenë qasje në njohuri të avancuara.
Sipas saj, mjetet e bazuara në inteligjencë artificiale mund të ofrojnë ndihmë të personalizuar për çdo nxënës, duke iu përshtatur ritmit dhe nevojave individuale të të mësuarit. Melania Trump thekson gjithashtu se njohuritë digjitale janë thelbësore për të ardhmen dhe paralajmëron se nëse fëmijët nuk mësojnë të përdorin dhe kuptojnë AI, ata rrezikojnë të mbeten pas në konkurrencën globale.
Ajo argumenton se AI nuk do të zëvendësojë mësuesit, por do t’i ndihmojë ata me mjete më të avancuara, duke i lejuar të fokusohen më shumë tek zhvillimi kritik dhe kreativ i nxënësve. Në këtë kontekst, ajo bën thirrje që shoqëria të përqafojë teknologjinë dhe të investojë në edukimin e brezave të rinj për të përballuar sfidat e së ardhmes.
Në një nga ngjarjet më të veçanta, atë të samitit për teknologjinë dhe Inteligjencën Artificiale në Shtëpinë e Bardhë, Zonja e Parë e SHBA-ve u shfaq së bashku me një robot humanoid të quajtur “Figure 03”. Në video, roboti shfaqet duket duke ecur mekanikisht pranë Zonjës së Parë, përshëndet të pranishmit në disa gjuhë të huaja dhe tund dorën. Melania Trump i thotë robotit:
Figure 03, faleminderit që më bashkohesh. Mund të themi se je mysafiri im i parë humanoid i prodhuar në Amerikë në Shtëpinë e Bardhë.
