Pas një karriere të shkëlqyer në muzikë, Miley Cyrus duket e vendosur të kthehet fuqishëm në botën e aktrimit.
Ylli 33-vjeçar, e njohur fillimisht si aktore përpara se të dominonte skenat muzikore, shprehu entuziazmin e saj gjatë Festivalit të 37-të Ndërkombëtar të Filmit në Palm Springs, ku mori pjesë për të pranuar çmimin e Arritjes së Jashtëzakonshme Artistike për baladën e saj “Dream as One”, kënga kryesore për filmin e James Cameron, “Avatar: Fire and Ash”.
Do të doja shumë
-tha Cyrus për “The Hollywood Reporter”, duke shtuar se shpreson të gjejë rolin e duhur në kinematografi:
Shpresoj që ndonjë mendje e shkëlqyer këtu të ketë rolin e duhur për mua. Le të shohim. Kujtojuni atyre: ‘Hej, Miley është këtu!’
Kur u pyet se çfarë roli do të dëshironte të merrte, ajo u përgjigj troç:
Thjesht thuaju atyre: ‘Çfarë duan ata të bëj?’ Unë jam shefja në botën time
Ka kaluar disa vite që nga roli i saj i fundit i madh në film ose televizion, me përjashtim të një pjesëmarrjeje të shkurtër në Drive-Away Dolls (2024) të Ethan Coen.
Mes roleve të saj të shquara janë Ashley O në Black Mirror (2019), Crisis in Six Scenes (2016) të Woody Allen, dhe filmat për adoleshentë So Undercover, LOL (2012) dhe The Last Song (2010).
Cyrus gjithashtu ka paralajmëruar projekte të reja, duke përfshirë një aktivitet të veçantë për 20-vjetorin e premierës së serialit Hannah Montana, që do të zhvillohet në mars.
Më pëlqen ta ndaj jetën time në katër pjesë, kështu që mendoj se kush dua të jem dhe çfarë dua të bëj në tremujorin e parë të vitit.
Shmang të bëj plane afatgjata, sepse përndryshe përfundon duke u angazhuar në gjëra që mund të mos jenë ato që janë menduar për ty
-tha ajo.
Për këtë vit, Cyrus ka një fokus të qartë:
Për tremujorin e parë, qëllimi im është të përfundoj atë që fillova me ‘Avatar’. Pastaj dua të nderoj gjithçka që ka ndodhur me Hannah Montana. Gjysma e dytë e vitit do të jetë për të menduar për atë që mund të sjellë e ardhmja
