Reperi Offset dyshohet se ka kërkuar të hakmerret ndaj lojtarit të NFL, Stefon Diggs, i cili është babai i fëmijës së ri të Cardi B, sipas pretendimeve të një modeleje në Instagram.
Jordyn Gorr, një modele nga Miami, publikoi të hënën disa mesazhe të supozuara private (DM) mes saj dhe Offset, ku ai shihet teksa i kërkon vendndodhjen e Diggs për ta “kapur” jashtë fushe.
Ajo e akuzon Offset se e ka “shkelur” dhe megjithatë vazhdon ta ngacmojë duke i kërkuar informacion.
Në mesazhet e publikuara, Offset thuhet se e ka quajtur Gorr një “Opp ass n***a” më 16 nëntor dhe i ka shkruar:
Ma jep vendndodhjen ose mos u kthe më rrotull
Fillimisht Gorr duket sikur pranon të ndihmojë, por më pas shprehet e irrituar nga sjellja e reperit.
Një burim pranë Offset i tha TMZ Hip Hop se:
Kjo vajzë ka një konflikt të vazhdueshëm me Set dhe po përpiqet ta fryjë këtë në diçka që nuk është. Sherri i tyre nuk ka lidhje me Diggs
Offset është larguar nga Instagrami që prej javës së kaluar, pasi mohoi postimet ku pretendohej se ai po e quante fëmijën e ri të Cardi-t “fëmijën e tij”. As ai, as Cardi B nuk kanë reaguar për akuzat e Gorr.
Nga ana tjetër, Cardi B u ka treguar fansave të saj se Offset po e “bezdis” dhe po e shqetëson në prapaskenë, çka përputhet me atë që pretendon edhe Jordyn Gorr për sjelljen e reperit ndaj saj.
Situata mes ish-çiftit dhe thashethemet për fëmijën e ri vazhdojnë të jenë në qendër të vëmendjes së medias rozë.
