Analiza e publikuar në “Developmental Psychology” zbuloi se çiftet që fillojnë marrëdhëniet pas moshës 30-vjeçare kanë më shumë gjasa të kenë lidhje afatgjata dhe të kënaqshme.
Studiuesit ndoqën 1,500 çifte për mbi pesë vite dhe gjetën se maturia emocionale dhe pjekuria sociale janë faktorë kyç që kontribuojnë në stabilitetin e lidhjes.
Kur lidheni në një moshë më të avancuar, keni më shumë vetëdije dhe aftësi për të komunikuar
-shpjegon Dr. Laura Fields, psikologe marrëdhëniesh.
Ky nivel pjekurie ndihmon çiftet të përballojnë konfliktet dhe të krijojnë marrëdhënie më të shëndetshme dhe më të kënaqshme.
Studimi vuri në dukje gjithashtu se ata që lidhen të rinj shpesh marrin vendime impulsive dhe mund të kenë më shumë presion nga miqtë dhe familja, gjë që ndikon në qëndrueshmërinë e lidhjes.
Ndërsa, në moshë më të madhe, individët janë më të qartë mbi pritshmëritë dhe synimet e tyre, duke krijuar baza të forta për një dashuri të qëndrueshme.
Ekspertët rekomandojnë që mosha nuk duhet të shihet si pengesë. Përkundrazi, ajo mund të jetë një avantazh që ndihmon në ndërtimin e marrëdhënieve të bazuara në respekt, besim dhe mirëkuptim.
