Një studim i ri ka ofruar prova të forta për lidhjen midis gjumit dhe shëndetit të trurit, duke sugjeruar se përgjumja e tepruar gjatë ditës mund të jetë një shenjë e hershme e sëmundjes së Alzheimerit.
Madje, ndonëse mund të flini tetë orë gjumë të pastra, disa individë ndiejnë një rënie të shpejtë të energjisë rreth orës 3 pasdite dhe përjetojnë një dëshirë të fortë për të fjetur, edhe kur konsumojnë ushqime energjike dhe kafe. Ky fenomen mund të jetë më shumë sesa një ndjenjë e zakonshme lodhjeje, duke qenë se përgjumja e vazhdueshme mund të jetë një simptomë e një çrregullimi shëndetësor më serioz, siç është Alzheimeri.
Një studim i publikuar në revistën mjekësore “JAMA Neurology” tregon se përgjumja gjatë ditës mund të lidhet me një rritje të nivelit të amiloideve në tru – proteina që ndihmon në pastrimin e qelizave nervore, por që gjithashtu lidhet me zhvillimin e sëmundjes së Alzheimerit. Në të kaluarën, studimet kanë treguar se dremitja gjatë ditës ndihmon në eliminimin e amiloideve, por ky studim ka zbuluar një lidhje të re: akumulimi i amiloideve mund të shkaktojë çrregullime të gjumit dhe mund të kontribuojë në formimin e më shumë amiloideve në tru.
Doktori Prashanthi Vemuri, një ekspert i radiologjisë në Klinikën Majo, ka drejtuar një studim që shqyrtoi ndikimin e lodhjes në zhvillimin e Alzheimerit. Në këtë studim morën pjesë 3,000 individë, nga të cilët 283 persona të moshuar pa demencë u zgjodhën për të dhënë informacion rreth shprehitë e tyre të gjumit dhe për të kaluar skanime të amiloideve. Rreth 22% e pjesëmarrësve kishin përgjumje gjatë ditës, dhe te këta individë u vërejt një rritje e nivelit të amiloideve në tru.
Një nga gjetjet kryesore të studimit është se amiloidet akumulohen kryesisht në pjesët e trurit që janë të lidhura me sëmundjen e Alzheimerit, një fakt që e bën këtë lidhje mjaft shqetësuese. Megjithatë, studimi nuk ka arritur të përcaktojë nëse akumulimi i amiloideve shkakton përgjumje gjatë ditës, apo nëse përgjumja është ajo që çon në rritjen e amiloideve.
Sidoqoftë, ky studim jep prova të mëtejshme se gjumi dhe shëndeti i trurit janë të lidhur ngushtë dhe kërkon një vëmendje më të madhe për simptomat e lodhjes dhe përgjumjes së tepruar.
