Netflix ka njoftuar lançimin e një dokumentari të ri kushtuar një prej figurave më të dashura të Hollywood-it, komedianit dhe aktorit legjendar Eddie Murphy.
Filmi mban titullin “Being Eddie” dhe do të publikohet më 12 nëntor në platformën e njohur të streaming-ut.
I drejtuar nga fituesi dy herë i çmimit Oscar, Angus Wall, dokumentari do të sjellë një vështrim të thellë në karrierën gati 50-vjeçare të Murphyt, duke përfshirë intervista, pamje arkivore dhe rrëfime nga bashkëpunëtorë e miq të ngushtë të tij.
Sipas përmbledhjes zyrtare të Netflix:
Është e qartë se ekziston vetëm një Eddie Murphy. Asnjë komedian tjetër nuk ka ndarë skenën me Jerry Seinfeld në moshën 17-vjeçare, nuk i është bashkuar ‘Saturday Night Live’ menjëherë pas shkollës së mesme, dhe nuk ka interpretuar njëkohësisht rolet e një polici, mjeku dhe gomari, duke dominuar çdo aspekt të Hollywood-it.
Në dokumentar do të paraqiten emra të mëdhenj të industrisë së argëtimit, si Jamie Foxx, Dave Chappelle, Tracee Ellis Ross dhe Reginald Hudlin, të cilët do të ndajnë kujtime, histori dhe momente të rralla nga jeta e aktorit.
Sipas Netflix, “Being Eddie” do të tregojë se si kombinimi unik i karizmës, ambicies, talentit dhe përkushtimit e ka bërë Murphy-n një figurë të paarritshme në botën e komedisë dhe kinemasë.
